اسلام آباد: حکومت نے 190 ملین پاوٴنڈز کرپشن کیس میں چیئرمین تحریک انصاف کے جیل ٹرائل کی منظوری دے دی۔
وزارت قانون کی جانب سے چیئرمین پی ٹی آئی کے خلاف نیب کے 190 ملین پاوٴنڈز کرپشن کیس کی سماعت جیل ہی میں کرنے کانوٹیفکیشن جاری کردیا گیا ہے۔
وزارت قانون نے جیل ٹرائل سے متعلق سرکولیشن سمری وزیراعظم کوارسال کی تھی۔
چیئرمین پی ٹی آئی کے خلاف کیس کی سماعت جیل میں کیے جانے کی منظوری سرکولیشن سمری کے ذریعے لی گئی، جس کے بعد وزارت قانون نے باضابطہ نوٹیفکیشن بھی جاری کردیا ہے۔
نوٹیفکیشن جاری ہونے کے بعد 190 ملین پاوٴنڈز کرپشن کیس کی سماعت اڈیالہ جیل میں جج محمد بشیر کریں گے، جس میں نیب کی جانب سے چیئرمین پی ٹی آئی کے جسمانی ریمانڈ کی استدعا کی جائے گی۔
