بہار: بھارت کی ریاست بہار کے علاقے بھاگلپورہ میں مسافروں نے چلتی ریل میں موبائل چوری کرنے کی کوشش کرنے والے ملزم کی حکمت عملی ناکام بنا دی اور تقریباً ایک کلومیٹر تک ریل سے لٹکائے رکھا۔
سماجی رابطے کی ویب سائٹ ایکس پر ویڈیو پوسٹ میں دعویٰ کیا گیا کہ بہار کے علاقے بھاگلپور میں ایک چور نے چلتی ریل میں مسافر کا فون چوری کیا لیکن وہ اس میں کامیاب نہیں ہوا اور مسافروں نے چور کو پکڑا اور تقریباً ایک کلومیٹر تک اس کو لٹکا کر لے گئے۔
طویل مسافت کے بعد جب ریل رک جاتی ہے اور پھر مبینہ چور کو چھوڑ دیا جاتا ہے جبکہ وہاں موجود چند نوجوان اس کو پکڑ کرلے جاتے ہیں۔
ویڈیو میں چور کو اپنے ساتھ لے جانے والے نوجوان بھی اس کو تشدد کا نشانہ بنا رہے ہیں لیکن فوری طور پر پولیس یا انتظامیہ کی جانب سے کوئی ردعمل سامنے نہیں آیا۔
