دی ہیگ: آئی سی سی کرکٹ ورلڈ کپ لیگ 2 میں امریکا نے کینیڈا کو14 رنز سے شکست دے دی۔
دی ہیگ میں کھیلے گئے ایونٹ کے 20 ویں میچ میں کینیڈا کی ٹیم 305 رنز کے تعاقب میں مقررہ 50 اوورز میں 9 وکٹوں کے نقصان پر 290 رنز بنا سکی۔
کینیڈا کی جانب سے ہرش ٹھاکر 77 رنز بنا کر نمایاں رہے۔ ڈِلن ہیلیگر 56، ایرون جونسن 55، پراگت سنگھ 42، کپتان نکلس کرٹن 14، سعد بن ظفر 7، ادتیا ورادراجن 4، دِلپریت باجوہ 2 اور شریاس مووا 1 رن بنا کر آؤٹ ہوئے۔
کلیم ثناء 10 اور جیریمی گورڈن 7 رنز بنا کر ناٹ آؤٹ رہے۔
امریکا کی جانب سے نوستھوش کینیگے نے 3 وکٹیں حاصل کیں۔ جسدیپ سنگھ اور شیڈلے ویب شالکوک نے 2، 2 جبکہ اسٹیون ٹیلر اور ہرمیت سنگھ نے 1، 1 کھلاڑی کو آؤٹ کیا۔
اس سے قبل کینیڈا کی دعوت پر پہلے بیٹنگ کرتے ہوئے امریکا نے مقررہ 50 اوورز میں 4 وکٹوں کے نقصان پر 304 رنز اسکور کیے۔
امریکا کی جانب سے کپتان مونانک پٹیل نے 121 رنز کی ناقابلِ شکست شاندار اننگ کھیلی، شایان جہانگیر 57 رنز بنا کر ناٹ آؤٹ پویلین لوٹے۔ سُمیت پٹیل 63، اسٹیون ٹیلر 27، ایرون جونز 15 اور مِلند کمار 0 رن بنا کر آؤٹ ہوئے۔
کینیڈا کی جانب سے سعد بن ظفر، ہرش ٹھاکر، پراگت سنگھ اور ڈِلن ہیلیگر نے 1، 1 وکٹ حاصل کی۔
