وارسا: پولینڈ میں ہزاروں افراد ہاتھوں میں قومی پرچم لیے سڑکوں پر نکل آئے جہاں انہوں نے یورپی یونین مخالف نعرے بازی کرتے ہوئے ’پولیگزٹ‘ کا مطالبہ کر دیا۔
پولینڈ میں یورپی یونین کی حامی جماعت کے انتخابات جیتنے کے صرف ایک ماہ بعد ہی ہزاروں مظاہرین نے ملک کے دارالحکومت وارسا میں احتجاج کیا، احتجاجی مظاہرے میں شہریوں کی بڑی تعداد نے شرکت کی۔
مظاہرین نے برطانیہ کے ’بریگزٹ‘ کی طرح پولینڈ کی یورپی یونین سے علیحدگی کا مطالبہ کر دیا، مظاہرین نے یورپی یونین مخالف اور پولیگزٹ کے حق میں نعروں پر مبنی پلے کارڈز اور بینرز اٹھائے ہوئے تھے۔
