لاہور: پاکستانی اداکارہ ماہرہ خان کے ’کتھک ڈانس‘ کی دلفریب تصاویر انکے مداحوں کی توجہ کا مرکز بن گئیں۔
حال ہی میں پاکستان کے معروف فیشن ڈیزائنر نے اپنے برانڈ کے آفیشل اکاؤنٹ پر ماہرہ خان کی حسن و دلکشی سے بھرپور تصاویر شیئر کر کے اداکارہ کے مداحوں کو خوش کر دیا۔
مذکورہ فوٹو شوٹ میں ماہرہ خان نے دو ملبوسات زیب تن کیے، زرد اور سبز پشواس، تاہم سبز پشواس میں ملبوس ماہرہ خان کو رقص میں مگن دیکھا جاسکتا ہے۔
مذکورہ تصاویر میں ماہرہ خان نے 100 کلیوں والی سبز پشواس اور بنارسی چوڑی دار پاجامہ زیب تن کیا ہے جس کے دلکش دوپٹے پر بنا زردوزی، فرینچ ناٹ اور مروری کا کام مخصوص فن کی عکاسی کرتا معلوم ہو رہا ہے۔
خوبصورتی کا مجسمہ بنیں ماہرہ خان کو ان تصاویر میں کہیں گھومتے ہوئے دیکھا جاسکتا ہے تو کہیں رقص کی ایک قسم ’کتھک‘ کے پوز میں دیکھ سکتے ہیں۔
