راولپنڈی :پاک فوج کے سربراہ جنرل سید عاصم منیر سے چینی وفد نے ملاقات کی،جس میں سی پیک پر پیش رفت کا جائزہ لیا۔
آئی ایس پی آرکے مطابق ملاقات میں علاقائی امن و سلامتی سمیت باہمی دلچسپی کے امور پر تبادلہ خیال کیا گیا، ملاقات میں چین پاکستان اقتصادی راہداری پر پیشرفت کا جائزہ بھی لیا گیا۔
آئی ایس پی آر کاکہناہے کہ آرمی چیف جنرل سید عاصم منیر نے چین کے ساتھ تزویراتی شراکت داری کیلئے پاکستان کے غیر متزلزل عزم کا اعادہ کیا۔
آئی ایس پی آر کاکہناہے کہ آرمی چیف نے بیلٹ اینڈ روڈ انیشیٹو کے منصوبے سی پیک کے کامیاب نفاذ کیلئے تعاون کا وعدہ کیا۔
