لندن:اولمپئن ارشد ندیم کا لندن میں علاج جاری ہے اور کل ایک بارپھر ڈاکٹر علی باجوہ پاکستانی اسٹار کا چیک اپ کریں گے۔
اولمپئن ارشد ندیم کے علاج کے حوالے سے بات چیت کرتے ہوئے ان کے کوچ سلمان اقبال بٹ نے کہا کہ ہمارے ہاں جو سرجری کا تصور ہے کہ اس میں کٹ لگایا جاتا ہے۔
انہوں نے کہا کہ اب جدید طریقہ علاج میں اس میں کٹ لگانے کی ضرورت نہیں پڑتی، مختلف مشنیوں کے ذریعے ہی اس سرجری کے پراسیجر کو اختیار کیا جاتاہے۔
ان کا کہنا تھا کہ ارشد کےمسلز میں کھچاؤ ہے جس کا علاج ہو رہا ہے اور خوش آئند بات یہ ہے کہ دو تین فزیو تھراپی کے بعد اگلے ہفتے سے ہلکی پھلکی ٹریننگ بھی شروع کردی جائے گی۔
ارشد ندیم نے ٹانگ میں کھچاو کے باعث ورلڈ اتھلیٹکس سلور ٹور میں شرکت نہیں کی تھی۔ ارشد ندیم پرعزم ہیں کہ وہ جلد دوبارہ باقاعدہ طورپر پریکٹس شروع کردیں گے۔
