Home نیوز پاکستان پاکستان کو ماحولیاتی اور تکنیکی تعاون کے ذریعے موسمیاتی انصاف ملنا چاہیے،نگران وزیراعظم

پاکستان کو ماحولیاتی اور تکنیکی تعاون کے ذریعے موسمیاتی انصاف ملنا چاہیے،نگران وزیراعظم

Share
Share

نیویارک:نگران وزیر اعظم انوار الحق کاکڑ کاکہنا ہےکہ ماحولیاتی تبدیلی کے باعث پاکستان کو مشکلات کا سامنا ہے، ملک کو درپیش چیلنج سے نمٹنا ہماری ترجیحات میں شامل ہے۔

اقوام متحدہ کے صدر دفتر میں ماحولیاتی تبدیلیوں کے حوالے سے سربراہ اجلاس سے خطاب کرتے ہوئے نگران وزیر اعظم انوارالحق کاکڑ کا کہنا تھا کہ پاکستان 2030 تک اپنی توانائی کی 60 فیصد ضروریات متبادل توانائی کے ذرائع سے حاصل کرے گا۔

انہوں نے کہا کہ اس منصوبے پر 100 ارب ڈالر لاگت آئے گی جس کیلئے ہمیں عالمی مدد کی ضرورت ہے۔

نگران وزیراعظم کا کہنا تھا کہ ماحولیاتی تبدیلی کے باعث پاکستان کو مشکلات کا سامنا کرنا پڑ رہا ہے، پاکستان جیسے ترقی پذیر ممالک کو ماحولیاتی اور تکنیکی تعاون کے ذریعے موسمیاتی انصاف ملنا چاہیے۔

دوسری جانب امریکا میں اقوام متحدہ (یو این) جنرل اسمبلی اجلاس کے موقع پر وبائی امراض سے متعلق اجلاس میں وزیراعظم نے کہا کہ کورونا ویکسین کی تقسیم میں بھی عدم مساوات سامنے آئی۔

انوار الحق نے کہا کہ وبائی امراض کی روک تھام کے لئے ویکسینز کی دستیابی ہر ایک کیلئے ممکن بنانا ضروری ہے، حقوق دانش کے نام پر غریب ملکوں کے ساتھ غیر منصفانہ رویہ نہیں رکھنا چاہیے۔

Share
Related Articles

پاکستان کا 450 کلومیٹر تک ہدف کو نشانہ بنانے والے ابدالی ویپن سسٹم کا کامیاب تجربہ

راولپنڈی :پاکستان نے آج کامیابی کے ساتھ ابدالی ویپن سسٹم کا تربیتی...

نوشکی میں آئل ٹینکر دھماکہ،آگ لگنے سے جاں بحق ہونے والوں کی تعداد 8 ہوگئی

میں زخمی ہونے والے مزید 5 افراد نجی اسپتالوں میں دوران علاج...

پاکستان کا سندھ طاس معاہدے کی معطلی پر بھارت کو باقاعدہ نوٹس دینے کا فیصلہ

اسلام آباد: پاکستان نے بھارت کی جانب سے سندھ طاس معاہدے کی...