غزہ: غزہ کی مصر کے ساتھ رفح کراسنگ کو انسانی بنیادوں پر کھول دیا گیا ہے، پہلے مرحلے میں 88 فلسطینی زخمیوں کو مصر میں قائم گراؤنڈ ہسپتالوں میں علاج کی اجازت مل گئی ہے۔
عرب میڈیا کے مطابق سیکڑوں خاندان اپنے سامان کے ساتھ رفح کراسنگ کے سامنے اپنی باری کے انتظار میں ہیں، فلسطینیوں کو مصر میں داخل ہونے کی اجازت دی جائے گی۔
مریضوں کو فوری طور پر علاج معالجے کی سہولیات فراہم کی جائیں گی، ابتدائی طور پر صرف 88 زخمی فلسطینیوں کو مصر میں داخلے کی اجازت دی گئی ہے، مصر سرحد سے 10 کلومیٹر دوری پر ہسپتال کی تعمیر کر رہا ہے۔
