مرد وخواتین کے لئے لاہور شہر کے مختلف مقامات پر 10 ڈرائیونگ سکولز قائم

لاہور: وزیراعلیٰ پنجاب مریم نواز نے مرد و زن کو بااختیار، خود مختار اور باعزت روزگار فراہم کرنے کیلئے احسن اقدام اٹھایا ہے۔

اس سلسلے میں لاہور شہر کے مختلف مقامات پر 10 ڈرائیونگ سکولز قائم کر دیئے گئے۔

گریٹر اقبال پارک، کاہنہ میثاق سینٹر، ٹاوٴن شپ، پولیس خدمت بحریہ ٹاوٴن، لبرٹی خدمت مرکز، مناواں ٹریفک لائنز، ڈیفنس خدمت مرکز، برکت مارکیٹ میں ڈرائیونگ سکولز قائم کئے گئے ہیں۔

آبشار ڈرائیونگ سکول جیل روڈ اور ویمن آن ویل سکول ایل او ایس فیروز پور روڈ صرف خواتین کیلئے مختص کئے گئے ہیں۔

اس حوالے سے سی ٹی او عمارہ اطہر کا کہنا ہے کہ ڈرائیونگ سکولز میں خواتین کو ویمن ٹو ویمن سروس فراہم کی جا رہی ہے، ڈرائیونگ کورس میں الیکٹریکل و مکینیکل ورک بارے بھی تفصیلی بتایا جائے گا۔

انہوں نے کہا کہ رائیڈ فار چینج کے تحت مختلف یونیورسٹیز اور کالجز میں سکوٹی ٹریننگ دی جا رہی ہے۔