پیرو میں مسافر بس حادثے کا شکار ،20 افراد ہلاک

لیما: پیرو کے اینڈیس پہاڑی سلسلے میں بس حادثے کے نتیجے میں 20 افراد ہلاک ہوگئے۔

خبرایجنسی رائٹرز کی رپورٹ کے مطابق پیرو کی پولیس اور میڈیا نے بتایا کہ اینڈیس پہاڑیوں میں کم از کم 20 افراد ہلاک ہوگئے ہیں۔

ہائی وے پروٹیکشن ڈویژن کے سربراہ جونی رولینڈو ویلڈیراما کا کہنا تھا کہ بس حادثہ جنوب وسطی اینڈیس میں واقع لوس لیبریٹیڈرس ہائی وے میں آیاکوشو ریجن میں پیش آیا۔

رپورٹ کے مطابق پیرو کے پہاڑی علاقوں میں بس حادثات اکثر پیش آتے رہتے ہیں۔

یاد رہے کہ اپریل میں پیرو کے شمالی علاقے کیجامارکا ریجن میں بس دریا میں جا گری اور 25 افراد ہلاک ہوگئے تھے، اسی طرح گزشتہ برس ستمبر میں اینکو ریجن میں اسی طرح کے ایک حادثے میں 24 افراد ہلاک ہوگئے تھے۔