مقبوضہ کشمیر میں بس حادثہ میں 36 افراد ہلاک

سری نگر:مقبوضہ کشمیر کے ضلع ڈوڈا میں بس کھائی میں گر گئی جس کے نتیجے میں 36 افراد ہلاک ہو گئے۔

بھارتی میڈیا کی رپورٹس کے مطابق مقبوضہ کشمیر کے ضلع ڈوڈا میں آج افسوس ناک واقعہ پیش آیا ہے جس میں 55 مسافروں سے بھری بس کھائی میں گر گئی۔

میڈیا کی رپورٹس کے مطابق بس کے حادثے میں 36 افراد ہلاک ہو گئے جبکہ 19 افراد زخمی ہیں، جنہیں ریسکو کیا جا رہا ہے۔

میڈیا ذرائع کے مطابق اسپتال منتقل ہونے والے زخمیوں میں سے 6 کی حالت تشویش ناک ہے۔

میڈیا کی رپورٹس کے مطابق حادثہ اس وقت پیش آیا جب بس ڈرائیور نے کنٹرول کھو دیا اور بس ڈھلان سے نیچے جا گری۔