جانی خیل میں فوجی قافلے پر خود کش دھماکے میں نائب صوبیدار سمیت 9 جوان شہید

راولپنڈی:31 اگست کو، ایک موٹرسائیکل پر سوار خودکش بمبار نے بنوں ضلع کے جنرل علاقے جانی خیل میں فوجی قافلے پر خود کو دھماکے سے اڑا لیا۔دھماکے سے نائب صوبیدار صنوبر سمیت سیکیورٹی فورسز کے 9 جوان شہید جب کہ 5 فوجی زخمی ہوئے۔

آئی ایس پی آر کے مطابق 31 اگست کو، ایک موٹرسائیکل پر سوار خودکش بمبار نے بنوں ضلع کے جنرل علاقے جانی خیل میں فوجی قافلے پر خود کو دھماکے سے اڑا لیا۔

آئی ایس پی آر کا کہنا ہے کہ دھماکے میں 9 سیکیورٹی فورسز کے جوآن شہید ہو گئے ۔جب کہ 5 فوجی زخمی ہوئے۔سیکورٹی فورسز نے علاقے کو گھیرے میں لے لیا ہے اور علاقے میں پائے جانے والے دہشت گردوں کو ختم کرنے کے لیے آپریشن کیا جارہاہے۔

آئی ایس پی آرکا کہناہے کہ پاکستان کی سیکیورٹی فورسز دہشت گردی کی لعنت کو ختم کرنے کے لیے پرعزم ہیں اور ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔