رواں سال 27 اگست کو ایم ڈی کیٹ کا امتحان ہوگا،پی ایم ڈی سی

اسلام آباد:پی ایم ڈی سی کونسل نے فیصلہ کیا کہ رواں سال 27 اگست کو ایم ڈی کیٹ کا امتحان منعقد کرایا جائے گا اورایم ڈی کیٹ ( MDCAT) کا نصاب پچھلے سال کے امتحان جیسا ہی رہے گا، نصاب میں تبدیلی نہیں کی جائے گی۔

پی ایم ڈی سی کا دوسرا اجلاس چھٹی کے روز اتوار کو خصوصی طور ہر منعقد کیا گیا جس میں ایم ڈی کیٹ امتحان 27 اگست 2023 کو کروانے کی تجویز دی گئی جو منظور کر لی گئی۔ اجلاس کی صدارت صدر پی ایم اینڈ ڈی سی ڈاکٹر رضوان تاج نے کی۔

میٹنگ کے دوران کونسل کی طرف سے نیشنل رجسٹریشن امتحان، میڈیکل ڈینٹل ایڈمیشن ایگزامینیشن (MDCAT) اور دیگر معاملات (تقریباً 20 ایجنڈا آئٹمز) سے متعلق امور پر تبادلہ خیال کیا گیا۔

کونسل نے MDCAT سے متعلق سب سے اہم ایجنڈا لینے کا فیصلہ کیا اور 27 اگست 2023 کو امتحان منعقد کرنے کی تجویز دی۔ کونسل نے فیصلہ کیا کہ MDCAT کا نصاب پچھلے سال کے امتحان جیسا ہی رہے گا۔

کونسل نے تمام صوبائی سیکرٹریز کو مذکورہ امتحان کی تیاری شروع کرنے کی ہدایت کی۔ یہ فیصلہ طلباء کے وسیع تر مفاد کو مدنظر رکھتے ہوئے کیا گیا۔

گزشتہ سال تقریباً 204259 طلبہ نے امتحانات میں شرکت کی تھی۔ تخمینوں کے مطابق اس سال 210000 طلباء امتحانات میں شریک ہونے کا امکان ہے جس سے نظام کو مزید شفاف اور میرٹ کی بنیاد پر چاروں صوبوں کی پبلک سیکٹر میڈیکل یونیورسٹیز اور ICT دوبارہ صوبائی نصاب کے مطابق امتحانات کا امتحان دے گی۔

کونسل نے اس بات پر زور دیا کہ امتحانات سے پہلے تمام اسٹیک ہولڈرز کو آن بورڈ لیا جائے گا۔ پبلک میڈیکل یونیورسٹیوں کے امتحانی شعبے امتحانات کی رازداری کو یقینی بنانے کے لیے اس سال میرٹ پر سمجھوتہ کیے بغیر طلبہ کی آسانی کے لیے ایم ڈی کیٹ امتحان کے پرچہ کہ مشکل انڈیکس کو بھی مدنظر رکھا جائے گا تاکہ اس بات کو یقینی بنایا جا سکے کہ تمام صوبے طلبہ کو بغیر کسی پریشانی کے امتحانات کا انعقاد کریں۔

اجلاس میں یہ فیصلہ بھی کیا گیا کہ NUMS تمام مسلح افواج کے زیر انتظام میڈیکل/ڈینٹل کالجوں/انسٹی ٹیوٹ میں داخلوں کی ذمہ دار داخلہ دینے والی یونیورسٹی ہوگی۔ نمز داخلہ ٹیسٹ کو قومی ایم ڈی کیٹ کے برابر سمجھا جائے گا جو صرف تمام مسلح افواج کے زیر انتظام میڈیکل/ڈینٹل کالجوں میں داخلے کے لیے لاگو ہوگا۔

پی ایم ڈی سی کے دوسرے کونسل اجلاس میں پروفیسر ڈاکٹر امجد سراج میمن، پروفیسر ڈاکٹر محمد زبیر خان، جناب جواد امین خان، بیرسٹر چوہدری سلطان منصور، جناب نور الحق، ڈاکٹر محمود اورنگزیب، پروفیسر۔ ڈاکٹر تہمینہ اسد، لیفٹیننٹ جنرل محسن قریشی سرجن جنرل، پروفیسر ڈاکٹر محمد شعیب شفیع وفاقی سیکرٹری صحت اور تمام صوبائی سیکرٹریز/نامزد افراد نے شرکت کی۔