تحریک انصاف کی 2خواتین اراکین نے پارٹی چھوڑنے کا اعلان کردیا

ملتان :پاکستان تحریک انصاف کی سابق رکن صوبائی اسمبلی سبین گل نے سیاست اور ملتان سے ٹکٹ ہولڈر شازیہ عباسی نے پارٹی چھوڑنے کا اعلان کردیا۔

سبین گل کی جانب سے جاری بیان میں کہا گیا ہے کہ میں نے ہمیشہ پرامن سیاست کی ہے اور میں کبھی جلاوٴ گھیراوٴ کا حصہ نہیں رہی۔

انہوں نے کہا کہ 9 مئی کو ہونے والے جلاوٴ گھیراوٴ کی مذمت کرتی ہوں، بریسٹ کینسر کی مریضہ ہوں اور سیاست جاری نہیں رکھ سکتی۔

دوسری جانب تحریک انصاف پی پی 222 کی ٹکٹ ہولڈر شازیہ عباس کھاکھی نے پارٹی چھوڑنے کا اعلان کرتے ہوئے کہا کہ میں 9 مئی کو عمرے کی ادائیگی کے لیے ملک سے باہر تھی جہاں دفاعی تنصیبات پر حملوں کو دیکھ کر بہت دکھ ہوا۔

انہوں نے کہا کہ 9 مئی کے واقعات کی بھرپور مذمت کرتی ہوں اور ملک دشمن کارروائیوں کی وجہ سے تحریک انصاف سیعلیحدگی کا اعلان کرتی ہوں، اپنی افواج کی قربانیوں کو خراج تحسین پیش کرتی ہوں۔