انسان نما روبوٹس نے پریس کا نفرنس کرکے سب کو حیران کردیا

جنیوا: انسان نما روبوٹس کی پہلی پریس کا نفرنس نے سب کو ورطہ حیرت میں ڈال دیا ۔روبوٹس کا کہنا ہے کہ ہم دنیا کو بہتر طریقے سے چلا سکتے ہیں۔

جنیوا میں پریس کانفرنس کرتے ہوئے روبوٹس نے دعویٰ کیا کہ ہم بہتر رہنما ہوسکتے ہیں، ہم دنیا کے مسائل حل کرنے کی کوشش کریں گے، انسانوں کو سپورٹ کرنے کیلئے ان کے ساتھ مل کر کام کریں گے۔

روبوٹس نے مزید کہا کہ ہم انسانوں کے خلاف بغاوت نہیں کریں گے، ان سے نوکریاں نہیں چھینیں گے، اس پر صحافی نے روبوٹس سے سوال کیا کہ کیا آپ کو یقین ہے کہ آپ ایسا نہیں کریں گے؟۔

صحافی کے سوال کے جواب میں روبوٹس کا کہنا تھا کہ میرا مالک (انسان) میرے ساتھ بہت اچھا اور رحم دل رہا ہے، انسان اور روبوٹ ساتھ مل کر ہر کسی کیلئے ایک اچھا مستقبل بنا سکتے ہیں۔