گال ٹیسٹ، پاکستان نے سری لنکا کو 4 وکٹوں سے شکست دے کرپہلی فتح سمیٹ لی

گال: پاکستان کرکٹ ٹیم نے گال میں کھیلے گئے پہلے ٹیسٹ میچ میں سری لنکا کو 4 وکٹوں سے شکست دے کرپہلی فتح سمیٹ لی۔

گال میں کھیلے جارہے سیریز کے پہلے ٹیسٹ میچ کے آخری روز پاکستان نے 127 رنز پر 6 وکٹوں کے نقصان پر بنالیے ہیں تاہم دوسری اننگز کا پانچویں روز آغاز ہوا تو کپتان بابراعظم جلد وکٹ گنوا بیٹھے اور پربھات جیسوریا کا شکار بنے جبکہ سعود شکیل کو رمیش مینڈس نے پویلین کی راہ دیکھائی۔

پاکستان کی جانب سے عبداللہ شفیق 8، شان مسعود 7، بابراعظم 24، سعود شکیل 30، نعمان علی صفر پر رن آوٴٹ ہوئے جبکہ سرفرار احمد بھی صرف ایک رن بنانے میں کامیاب ہوئے، امام الحق نے 50 رنز ناٹ آوٴٹ کی ناقابل شکست اننگز کھیلی جبکہ آغا سلمان نے کریز پر آتے ہی پہلی گیند پر چھکا لگا کر قومی ٹیم کو فتح سے ہمکنار کروا دیا۔

سری لنکا کی جانب سے دوسری اننگز میں پربھارت جیسوریا نے 4 جبکہ رمیش مینڈس نے ایک وکٹ حاصل کی۔

اس سے قبل میچ کے چوتھے روز 131 رنز کے ہدف کے تعاقب میں پاکستان نے بیٹنگ شروع کی تو 16 رنز کے سکور پر عبداللہ شفیق 8 رنز بنا کر پویلین لوٹ گئے، گیارہویں اوور میں شان مسعود نے 7 رنز بنا کر جے سوریا کو کیچ تھما دیا، نائٹ واچ مین کے طور پر آنے والے نعمان علی بغیر کوئی رن بنائے 38 کے مجموعے پر رن آوٴٹ ہوگئے۔

امام الحق 45 گیندوں پر 4 چوکوں کی مدد سے 25 رنز اور بابر اعظم 9 گیندوں پر ایک چوکے کی مدد سے 6 رنز بنا کر وکٹ پر موجود ہیں، سری لنکا کی جانب سے پربھات جے سوریا نے 2 وکٹیں لیں۔

گال میں کھیلے جارہے سیریز کے پہلے ٹیسٹ میچ کے چوتھے روز سری لنکا نے دوسری اننگز کا ا?غاز 14 رنز کے مجموعی سکور سے کیا، تاہم کپتان ڈیموتھ کرونارتنے 20، کوشل مینڈس 18، اینجیلو میتھیوز 7، نیشان مدھشکا 52، دنیش چندیمل 28، سمارا وکرما 11 جبکہ رمیش مینڈس 42 رنز بناکر پویلین لوٹ گئے۔

سری لنکا کی جانب سے دھننجایا ڈی سلوا 82 رنز کی مزاحمتی اننگز کھیل کر شاہین ا?فریدی کا شکار بنے، پراباتھ جے سوریا 10 رنز اور کاسون راجیتھا 5 رنز بنا کر پویلین لوٹ گئے۔

پاکستان کی جانب سے نعمان علی اور ابرار احمد نے 3، 3 کھلاڑیوں کو ا?وٴٹ کیا جبکہ ا?غا سلمان اور شاہین شاہ ا?فریدی نے 2، 2 وکٹیں حاصل کیں۔

اسی طرح پہلے ٹیسٹ میچ کے تیسرے روز پاکستان نے 221 رنز پانچ وکٹوں کے نقصان پر اننگز کا ا?غاز کیا، 278 کے مجموعی اسکور پر ا?غا سلمان 83 رنز بناکر پویلین لوٹے، انہوں نے سعود شکیل کے ساتھ ملکر 177 رنز کی پارٹنرشپ قائم کی اور پاکستان کی پوزیشن مستحکم کی۔

دیگر کھلاڑیوں میں نعمان علی 25، شاہین شاہ آفریدی 9، نسیم شاہ 6 اور ابرار احمد 10 رنز بناسکے جبکہ سعود شکیل 208 رنز بناکر ناٹ آوٴٹ رہے۔

سری لنکا کی جانب سے رمیش مینڈس نے 5، پربھات جیسوریا نے 3 جبکہ وشوا فرنینڈو اور کسون راجیتھا نے ایک وکٹ حاصل کی۔

جبکہ ٹیسٹ میچ کے دوسرے روز سری لنکن باوٴلرز کے سامنے پاکستان کا ٹاپ آرڈر ریت کی دیوار ثابت ہوا اور صرف 101 کے مجموعی سکور پرآدھی ٹیم آوٴٹ ہو گئی، تاہم سعود شکیل اور آغا سلمان نے آکر بیٹنگ کو سنبھالا اور نصف سنچریاں سکور کر کے گرین شرٹس کو کم بیک کروایا۔

دوسرے دن کھیل کا آغاز ہوا تو سری لنکا نے سکور میں 70 رنز کا اضافہ کیا، سری لنکا کی ٹیم پہلی اننگز میں 312 رنز بنا کر آوٴٹ ہو گئی، دھننجایا ڈی سلوا نے شاندار اننگز کھیلی، انہوں نے 12 چوکوں اور 3 چھکوں کی مدد سے 122 رنز بنائے۔

پاکستان کی جانب سے ایک سال بعد ٹیسٹ کرکٹ میں واپسی کرنے والے شاہین شاہ آفریدی کے علاوہ نسیم شاہ اور ابرار احمد نے 3،3 جبکہ آغا سلمان نے ایک وکٹ حاصل کی۔

سری لنکا کے خلاف پاکستان نے اننگز کا مایوس کن آغاز کیا، امام الحق ایک، عبداللہ شفیق 19، کپتان بابراعظم 13 اور سرفراز احمد صرف 17 رنز ہی بنا پائے، صرف شان مسعود قدرے بہتر سکور 39 رنز کرنے میں کامیاب رہے۔

گال ٹیسٹ میچ کے پہلے روز سری لنکا نے پاکستان کے خلاف گال ٹیسٹ میچ میں کھانے کے وقفے تک 5 وکٹوں کے نقصان پر 226 رنز بنالیے۔

پہلے ٹیسٹ میں سری لنکن کپتان نے ٹاس جیت کر پہلے بیٹنگ کرنے کا فیصلہ کیا، تاہم اوپنر نیشان مدھشکا 6 کے مجموعی سکور پر 4 رنز بناکر آوٴٹ ہوئے، کپتان ڈیموتھ کرونارتنے 29، کوشل مینڈس 12 جبکہ دنیش چندیمل ایک رن بناکر پویلین لوٹ گئے۔

سابق کپتان اینجیلو میتھیوز اور دھننجایا ڈی سلوا نے 131 رنز کی پارٹنرشپ قائم کی اور ٹیم کو مشکلات سے نکالا تاہم میتھیوز 64 رنز بناکر ابرار احمد کا شکار بنے۔

سری لنکا نے مجموعی طور پر پہلے روز 5 وکٹوں کے نقصان پر 242 رنز بنائے جبکہ بارش کے باعث کھیل روک دیا گیا تھا۔

واضح رہے کہ پاکستان اور سری لنکا کے درمیان گال میں کھیلا جانے والا یہ ٹیسٹ ورلڈ ٹیسٹ چیمپئن شپ25۔2023 میں قومی ٹیم کا پہلا ٹیسٹ میچ ہے جبکہ دو میچز پر مشتمل ٹیسٹ سیریز کا دوسرا میچ 24 جولائی سے کولمبو میں شروع ہو گا۔