چیئرمین پی ٹی آئی پر عدالت میں پانی کی بوتل پھینک دی گئی

اسلام آباد: چیئرمین تحریک انصاف پر عدالت میں پانی کی بوتل پھینک دی گئی تاہم وہ پانی کی بوتل لگنے سے بچ گئے۔

چیئرمین پی ٹی آئی کیسز کی سماعت کے لئے ڈسٹرکٹ اینڈ سیشن کورٹس اسلام آباد پہنچے۔ ان کی آمد پر شدید دھکم پیل ہوئی اور پی ٹی آئی کے حامی وکلاء نے نعرے بازی کی۔

پیشی کے دوران سیکورٹی کے ناقص انتظامات دیکھنے میں آئے۔

چیئر پی ٹی آئی پر عدالت میں جاتے ہوئے کسی نے پانی کی بوتل پھینک دی تاہم وہ پانی کی بوتل لگنے سے بچ گئے

چیئرمین پی ٹی آئی اپنی گاڑی سے اتر کر جج ہمایوں دلاور کی عدالت جارہے تھے، جب یہ واقعہ پیش آیا۔ عدالت میں جاتے ہوئے نامعلوم شخص نے چیئرمین پی ٹی آئی پر پانی کی بوتل پھینکی۔

اس واقعے کے بعد جج ہمایوں دلاور کی عدالت کے باہر صحافیوں کو بھی اندر جانے سے روک دیا گیا۔