ہم دنیا کی نمبر ون ون ڈے ٹیم بن گئے،بابر اعظم

کولمبو:قومی ٹیم کے کپتان بابر اعظم کا کہنا ہے کہ ہم دنیا کی نمبر ون ون ڈے ٹیم بن گئے ہیں جس کا کریڈٹ لڑکوں کو جاتا ہے ۔

میچ کے بعد گفتگو کرتے ہوئے ان کا کہنا تھا کہ گزشتہ چند ماہ سے لاہور میں کیمپ کے دوران سب نے بہت محنت کی اور پھر سب نے اپنے آپ کو تیار کیا کیونکہ افغانستان کے سپن باؤلرز بہترین ہیں جن کو کھیلنا آسان نہیں ہے ۔

تیسرے میچ میں رضوان کے ساتھ پارٹنرشپ پر بات کرتے ہوئے انہوں نے کہا کہ ہم بس اننگز کے آخر تک جانا چاہتے تھے اور اس کے لیے ایک دوسرے کو سپورٹ کر رہے تھے ۔ ہم ایشیا ءکپ سے پہلے اپنی بینچ سٹرنتھ کو موقع دے کر مختلف کمبی نیشن کو بھی آزمانا چاہ رہے تھے ۔

سعود شکیل کے بارے میں بابر اعظم نے کہا کہ وہ سپن باؤلرز کو اچھا کھیلتا ہے اس لیے ہم نے اسے ایشیا ءکپ میں بھی سکواڈ کا حصہ بنا یا ہے ۔