کابینہ نے بل قسطوں میں وصول کرنے کا معاملہ آئی ایم ایف کی رضامندی سے مشروط کردیا

اسلام آباد:وفاقی کابینہ نے جولائی اوراگست کے بلز قسطوں میں اداکرنے کی اصولی منظوری دے دی۔فی یونٹ میں کمی کا فیصلہ آ ئی ایم ایف کے ساتھ مشاورت کے بعد کیا جائے گا ۔

بجلی کی قیمتوں میں اضافے کا بحران شدت اختیار کر گیا یے۔ وزیراعظم انوار الحق کی صدارت میں دو اجلاس ہوے۔ جن میں کوئی فیصلہ نہ ہوسکا۔ آج معاملہ وفاقی کابینہ میں پہنچ گیا۔

ذرائع کے مطابق وفاقی کابینہ نے جولائی آگست میں بلوں کی وصولی آئندہ ماہ اور قسطوں میں کرنے کی اصولی منظوری دے دی جبکہ حتمی فیصلہ آئی ایم ایف سے منظوری کے بعد نافذ العمل ہوگا۔

ذرائع کا کہنا ہےکہ ڈسکوز اورواپڈا ملازمین کے مفت یونٹس کامعاملہ توانائی کمیٹی کوبھیج دیاگیاہے ۔

ذرائع کا کہنا ہے کہ۔آئی ایم ایف کی رضا مندی کے بعد صارفین کے لیے ریلیف کا اعلان کیا جائے گا۔ اعلان آج متوقع ہے ۔