سائفر کیس، چیئرمین پی ٹی آئی کے جوڈیشل ریمانڈ میں 13 ستمبر تک توسیع

اسلام آباد: چیئرمین تحریک انصاف کے خلاف سائفر کیس میں عدالت نے عمران خان کے جوڈیشل ریمانڈ میں 14 روز کی توسیع کردی

سیکرٹ ایکٹ کے تحت قائم خصوصی عدالت کے جج ابو الحسنات ذوالقرنین کیس کی سماعت کی ۔چیئرمین تحریک انصاف کے خلاف سائفر کیس کی سماعت اٹک جیل میں ہوئی۔سلمان صفدر، احمد مسرار اور انتظار پنجھوتھہ سمیت عمران خان کی لیگل ٹیم بھی اٹک جیل میں موجود تھی ۔

سائفر کیس میں چیئرمین پی ٹی آئی جوڈیشل ریمانڈ پر ہیں اور ایف آئی اے نے 16 اگست کو چیئرمین پی ٹی آئی کا جسمانی ریمانڈ مانگا تھا۔ تاہم عدالت نے درخواست منظور نہیں کی اور جوڈیشل ریمانڈ پر جیل بھیج دیا۔

ذرائع کاکہناہے کہ چیئرمین پی ٹی آئی کو عدالت کے سامنے لایا گیا حاضری لگائی گئی ،بعدازاں عدالت نے حاضری لگانے کے بعد جوڈیشل ریمانڈ میں 14 روز کی توسیع کردی ۔

آفیشل سیکرٹ ایکٹ خصوصی عدالت نے سائفر کیس میں چیئرمین پی ٹی آئی کے جوڈیشل ریمانڈ میں 13 ستمبر تک توسیع کی ہے ۔

واضح رہے کہ سیکیورٹی خدشات کے باعث وزارت قانون نے سماعت اٹک جیل کرنے کا نوٹیفکیشن جاری کیا تھا۔