پرویز الہٰی کی دوبارہ گرفتاری،توہین عدالت کی درخواست سماعت کیلئے مقرر

اسلام آباد: اسلام آباد ہائیکورٹ میں پرویزالہٰی کی رہائی کے بعد دوبارہ گرفتاری پر توہین عدالت کی درخواست سماعت کیلئے مقرر ہوگئی۔

اسلام آباد ہائیکورٹ میں آئی جی اسلام آباد اور ڈی سی اسلام آباد کے خلاف توہین عدالت کی درخواست دائر کی گئی۔

اسلام آباد ہائیکورٹ کے جسٹس طارق محمود جہانگیری کل سماعت کریں گے، ایس ایس پی آپریشنز، ایس ایچ او تھانہ شالیمار اور دیگر کو بھی فریق بنایا گیا۔

درخواست میں استدعا کی گئی فریقین کو طلب کرکے ان کے خلاف توہین عدالت کی کارروائی کی جائے۔

فریقین کو عدالتی حکم عدولی پر توہین عدالت آرڈیننس کے تحت سزا دی جائے، فریقین کے خلاف محکمانہ کارروائی کے بھی احکامات جاری کئے جائیں۔