مقبوضہ کشمیر کے لوگ پاکستان کرکٹ ٹیم کو سپورٹ کرتے ہیں بھارت مظالم شروع کر دیتا ہے۔،مشعال ملک

اسلام آباد: وزیراعظم کی معاون خصوصی مشعال ملک کا کہنا ہے کہ جب بھی مقبوضہ کشمیر کے لوگ پاکستان کرکٹ ٹیم کو سپورٹ کرتے ہیں بھارت مظالم شروع کر دیتا ہے۔

مشعال ملک نے کہا ہم پاکستانی عوام کے ساتھ ہیں، ہم ہرصورت میں پاکستان کو سپورٹ کریں گے، پراپیگنڈا بھارت کی پرانی عادت ہے، بھارت کے جھوٹے پراپیگنڈے پاکستان کیخلاف چلتے آرہے ہیں، جب بھی کشمیر کی بات ہو یہ پراپیگنڈے کرنا شروع کر دیتے ہیں۔

معاون خصوصی نے کہا مقبوضہ کشمیر کے لوگوں کو کسی بھی شعبے میں شامل نہیں کیاجاتا، نہ پاسپورٹ جاری کئے جاتے ہیں، جب بھی انڈیا پاکستان کا میچ ہوتا ہے اس موقع پر جب بھی مقبوضہ کشمیر کے لوگ پاکستان کو سپورٹ کرتے ہیں ان پر ظلم شروع کر دیا جاتا ہے، مقبوضہ کشمیر کے بچوں کو تعلیم حاصل کرنے میں بھی شدید مشکلات کاسامنا ہے۔