عامر خان سے رابطے میں رہتا ہوں،درشیل سفاری

ممبئی:بھارت کے نوجوان اداکار درشیل سفاری کا کہنا ہے کہ وہ عامر خان سے رابطے میں رہتے ہیں۔

درشیل سفاری نے سپر اسٹار عامر خان کی فلم ’تارے زمین پر‘ میں لازوال اداکاری کرکے اپنا کردار ’ایشان‘ شائقین کے ذہنوں پر نقش کر دیا تھا۔

بھارتی میڈیا سے بات کرتے ہوئے درشیل نے کہا کہ میں اور عامر خان ایک دوسرے کو میسج کرتے ہیں، سالگرہ کی مبارک باد اور دیگر تمام باتیں۔

انہوں نے کہا کہ میں امید کرتا ہوں کہ وہ میرا کام بھی دیکھیں، میں انہیں فخر دلانا چاہتا ہوں کہ شوبز میں مجھے متعارف کروانا ان کا درست فیصلہ تھا۔

یاد رہے کہ درشیل سفاری نے 2007 میں ’تارے زمین پر‘ سے اپنے کیریئر کا آغاز کیا تھا، اب ان کی نئی فلم ’ہکس بکس‘ جلد ریلیز ہوگی۔