بھارتی اداکارہ سونم باجوہ سجل علی کے حسن کی دیوانی نکلیں

کراچی:بھارتی پنجابی فلموں کی معروف اداکارہ سونم باجوہ پاکستانی اداکارہ سجل علی کی خوبصورتی پر فدا ہوگئیں۔

گزشتہ دنوں اداکارہ سجل علی نے فوٹو اینڈ ویڈیو شیئرنگ ایپ انسٹاگرام پر چند تصاویر شیئر کی ہیں ۔

تصاویر میں انہوں نے سفید سوٹ زیب تن کر رکھا ہے جس میں وہ انتہائی جاذب نظر دکھائی دے رہی ہیں، اداکارہ نے اپنی ان تصاویر کے کیپشن میں لکھا کہ خود پہ مرتے ہیں فی الحال تو”۔

اس پوسٹ کے کمنٹ سیکشن میں بھارتی پنجاب کی فلموں میں اداکاری کے جوہر دکھانے والی سونم باجوہ نے لکھا کہ ” تم پر تو ہم سچ میں مرتے ہیں”۔

یاد رہے کہ سونم باجوہ اس سے قبل بھی سجل علی کی خوبصورتی کا اعتراف کر چکی ہیں۔