پاکستان چھوڑنے والے غیر قانونی افغان باشندوں کی تعداد 4 لاکھ 35 ہزار سے تجاوز کر گئی

اسلام آباد:پاکستان میں غیر قانونی طور پر مقیم افغان باشندوں کی وطن واپسی کا سلسلہ جاری ہے۔

غیر قانونی طور پر مقیم پاکستان چھوڑنے والے افغان باشندوں کی مجموعی تعداد 4 لاکھ 35 ہزار 152 ہو گئی ہے۔

حکومت پاکستان کے اعلان سے قبل بھی غیر قانونی افغان باشندوں کی کثیر تعداد گرفتاری کے ڈر سے پاکستان سے واپس افغانستان جاتی رہی ہے۔

16 دسمبر 2023ء کو واپس افغانستان جانے والے 1634 افغان شہریوں میں 377 مرد، 325 خواتین اور 932 بچے شامل ہیں۔

افغان باشندوں کی پاکستان سے روانگی کیلئے 66 گاڑیاں استعمال ہوئیں جن میں 97 خاندانوں کی اپنے وطن واپسی عمل میں لائی گئی۔