وزارت خزانہ کا سرکاری پاور پلانٹس کیلئے 130 ارب جاری کرنے کا فیصلہ

اسلام آباد:وزارت خزانہ نے سرکاری پاور پلانٹس کےلیے رواں ہفتے 130 ارب روپے جاری کرنے کا فیصلہ کرلیا۔

ذرائع کے مطابق عالمی مالیاتی ادارے (آئی ایم ایف) سے معاہدے کے تحت گردشی قرض میں کمی کےلیے وزارت خزانہ گورنمنٹ پاور پلانٹس کو رواں ہفتے 130 ارب روپے جاری کرے گی۔

ذرائع کے مطابق وزارت خزانہ واپڈا کو 83، جینکو 2 کو 26، جینکو 3 کو 3 ارب روپے جاری کرے گی۔

ذرائع کے مطابق رواں مالی سال کے اختتام تک سرکاری پاور پلانٹس کو 260 ارب روپے جاری کیے جائیں گے۔

ذرائع کے مطابق 130 ارب کی رواں ہفتے ادائیگی کے بعد باقی 130 ارب کی رقم سرکاری پاور پلانٹس کو آئندہ سہ ماہی میں جاری ہوگی۔

ذرائع کے مطابق مالیاتی مشکلات کے باوجود وزارت خزانہ رواں ہفتے وزارت توانائی کو 130 ارب روپے دے گی۔

ذرائع کے مطابق دراصل وزارت توانائی پرائمری بیلنس ہدف کو پورا کرنے کےلیے وزارت خزانہ کا ساتھ نہیں دے رہی ہے۔

وزارت خزانہ نے تجویز دی ہے کہ وزارت توانائی پاور پلانٹس کو رقم ادا کرے اور پاور پلانٹس قرض رقم واپس کریں۔

وزارت خزانہ نے مزید کہا کہ سرکاری پاور پلانٹس گیس کمپنیوں کو رقم ادا کرے اور گیس کمپنیاں ڈیوڈنڈ سرکاری خزانہ میں جمع کرائیں۔

وزارت خزانہ نے یہ بھی کہا کہ وزارت توانائی رواں سہ ماہی اور آئندہ سہ ماہی کے دوران رقم حاصل کرکے گردشی قرضہ کم کرے۔

ذرائع کے مطابق مالیاتی مشکلات کے باوجود وزارت توانائی کے حکام وزارت خزانہ کی تجویز ماننے سے انکاری ہیں۔