اداکارہ نورنے سیاست کے میدان میں قدم رکھ دیا

لاہور: اداکارہ اور ٹی وی میزبان نور بخاری کی بھی سیاست میں انٹری،کاغذات نامزدگی جمع کروا دئیے۔

اداکارہ نور بخاری آئندہ انتخابات میں حصہ لیں گی۔ انہوں نے لاہور میں مخصوص نشست کے لیے کاغذات نامزدگی جمع کروائے ہیں ۔

اداکارہ نور بخاری نے استحکام پاکستان پارٹی کی جانب سے کاغذات نامزدگی جمع کروائے۔ نور استحکام پاکستان پارٹی کے رہنما ء عون چوہدری کی اہلیہ ہیں۔

اس سے قبل گلوکار چاہت فتح علی خان بھی قومی اسمبلی کے لیے بطور آزاد امیدوار لاہورکے حلقہ 128 سے کاغذات نامزدگی جمع کرواچکے ہیں۔

یاد رہے کہ ملک میں عام انتخابات 8 فروری 2024 کو ہوں گے جس کے لیے تیاریاں جاری ہیں۔