تحریک انصاف سندھ کے صدر حلیم عادل شیخ کو جیل سے رہائی مل گئی

کراچی: پاکستان تحریک انصاف سندھ کے صدر حلیم عادل شیخ کو ریلیز آرڈر جاری ہونے کے بعد سینٹرل جیل سے رہا کر دیا گیا۔

حلیم عادل شیخ مجموعی طور پر 171 دن جیل میں رہے، ان کی رہائی کے موقع پر پی ٹی آئی کے کارکنان سینٹرل جیل کے باہر موجود تھے۔

ترجمان پی ٹی آئی سندھ کے مطابق حلیم عادل شیخ کیخلاف مجموعی طور پر 40 مقدمات تھے، ان کو تمام مقدمات میں ضمانت پر رہائی مل چکی ہے۔

یاد رہے کہ پی ٹی آئی رہنما حلیم عادل شیخ پر زمینوں پر قبضے، 9 مئی ہنگامہ آرائی اور پولیس پر حملے کے الزامات ہیں، حلیم عادل شیخ این اے 238 سے الیکشن میں حصہ بھی لے چکے ہیں۔