خیبر میں سکیورٹی فورسز کی کارروائی، سرغنہ سمیت 4 دہشت گرد ہلاک

راولپنڈی: سکیورٹی فورسز نے ضلع خیبر میں دہشت گردوں کی موجودگی کی خفیہ اطلاع پر آپریشن کیا۔

آئی ایس پی آر کے مطابق سکیورٹی فورسز کے آپریشن کے دوران شدید فائرنگ کے تبادلے میں 4 دہشت گرد مارے گئے، مارے جانے والوں میں دہشت گردوں کا سرغنہ قاری واجد عرف قاری بریال اور رازق بھی شامل ہے۔

آئی ایس پی آر کا کہنا ہے کہ علاقے کے مقامی لوگوں نے سکیورٹی فورسز کی کارروائی کو سراہا، علاقے میں کسی دوسرے دہشت گرد کے خاتمے کیلئے سینی ٹائزیشن آپریشن جاری ہے، سکیورٹی فورسز ملک سے دہشت گردی کی لعنت کے خاتمے کیلئے پرعزم ہیں۔