انجلینا جولی کا خود کو مارنے کیلئے پیشہ ور قاتل کی خدمات لینے کا انکشاف 

لاس اینجلس: انجلینا جولی نے اپنے ماضی کا ایک دردناک باب شیئر کرتے ہوئے انکشاف کیا ہے کہ انہوں نے خودکشی کے خیالات سے نبردآزما ہوتے ہوئے اپنے قتل کی منصوبہ بندی کے لیے ایک ہٹ مین کی تلاش کی تھی۔

22 سال کی عمر میں جولی نے آئی ایم ڈی بی سے بات کرتے ہوئے اعتراف کیا تھا کہ ایک وقت تھا جب وہ خود کو مارنے کے لیے کسی کی خدمات حاصل کرنے جا رہی تھی۔ انہوں نے وضاحت کی کہ ان کا ماننا تھا کہ قتل ان کی اپنی خودکشی کے مقابلے میں ان کے پیاروں کے لئے کم تکلیف دہ ہوگا۔

اپنے دی فیس انٹرویو میں انہوں نے مزید تفصیل سے بتایا کہ کس طرح نیو یارک میں ایک ہٹ مین کو تلاش کرنا اتنا مشکل نہیں تھا جتنا کوئی سوچ سکتا ہے۔

اداکارہ نے بتایا کہ انہیں یقین تھا کہ ایک قتل ان کے پیاروں کو ان کی خودکشی کے جرم سے بچا لے گا اور ان کے اہل خانہ خود کو ذمہ دار محسوس نہ کریں گے۔

انجلینا جولی نے بتایا کہ پیشہ ور قاتل کا جواب بہت ہمدردانہ تھا اور اس نے اداکارہ سے کہا کہ وہ اس پر مکمل سوچ بچار کے بعد دو مہینے بعد اس سے دوبارہ رابطہ کریں جبکہ بعد میں اداکارہ کا فیصلہ تبدیل ہوگیا۔