صدر جوبائیڈن کا اسرائیلی وزیراعظم کو خطے میں کشیدگی کو کم کرنے کا مشورہ

واشنگٹن:امریکی صدر جو بائیڈن نے اسرائیلی وزیراعظم کو سنا دیں، جو بائیڈن نے کہا کہ مجھ سے جھوٹ نہ بولو، صدر کی بے قدری نہ کریں۔

امریکی صدر نے اسرائیلی وزیراعظم نیتن یاہو کو خطے میں کشیدگی کم کرنے کا مشورہ دیا۔

امریکی صدر نے غزہ میں یرغمالیوں کی رہائی اور جنگ بندی کے لیے فوری اقدامات پر زور دیا۔

جو بائیڈن نے کہا ہے کہ انہیں علم نہیں کہ ایران جوابی حملے سے دستبردار ہو جائے گا۔

جوبائیڈن سے سوال پوچھا گیا کہ کیا ایران جوابی حملے سے دستبردار ہو جائے گا تو انہوں نے جواب دیا کہ انہیں اس بارےمیں علم نہیں۔

امریکی میڈیا کے مطابق بیروت اور تہران میں قتل کی وارداتوں نے بائیڈن کو جھنجلا دیا۔

غیر ملکی میڈیا کا کہنا ہے کہ حماس اور حزب اللّٰہ رہنماؤں کو اسرائیلی وزیراعظم کے دورہ امریکا کے فوری بعد نشانہ بنایا گیا۔

ایرانی پاسداران انقلاب نے کہا ہے کہ حماس سربراہ اسماعیل ہانیہ کے قتل کا بدلہ شدید ہوگا، ایران مناسب وقت، جگہ اور طریقے سے بدلہ لے گا۔