ایپل صارفین اب دل کی دھڑکن سے فون ان لاک کر سکیں گے

کیلیفورنیا: ٹیکنالوجی کمپنی اپیل ایک نئی ٹیکنالوجی کا آغاز کرنے جارہی ہے جس کو استعمال کرتے ہوئے صارفین اپنے دل کی دھڑکن سے فون کوان لاک کر سکیں گے۔

دل کی دھڑکن کی پیمائش کے لئے ای سی جی کا استعمال کرتے ہوئے یہ فیچر فنگر پرنٹ کی شناخت کی طرح بائیومیٹرک شناخت کا طریقہ پیش کرتا ہے۔

دل کی دھڑکن کی شناخت کا یہ فیچر جس کو ایپل واچ کے ساتھ کام کرنے کے لئے ڈیزائن کیا گیا ہے ، صارفین کو صرف دل کی دھڑکن کی مدد سے باآسانی اپنی ڈیوائسز ان لاک کرنے کے کی سہولت دے گا۔

اس اختراع کے حوالے سے توقع کی جارہی ہے کہ یہ ڈیوائس کی سیکیورٹی ایک جہت کو مزید جدت بخشے کی۔ دل کی دھڑکن کی شناخت کا نیا طریقہ موجودہ فیس آئی ڈی اور فنگر پرنٹ سینسرز جیسے موجودہ سیکیورٹی فیچر کی تکمیل کرے گا۔

دل کی دھڑکن کے منفرد بائیومیٹرک فیچر کی مدد سے ایپل کا مقصد اپنے آلات کی سیکیورٹی کو مزید مضبوط کرنا ہے۔

ایپل کی جانب سے فیچر کی ریلیز کے حوالے سے کسی حتمی تاریخ کا اعلان نہیں کیا گیا ہے۔ کمپنی فیچر کی درستگی اور اس کے قابل اعتماد ہونے کو یقینی بنانے کے لئے اس کی کارکردگی کو بہتر بنانے اور جانچنے کا سلسلہ جاری رکھے ہوئے ہے۔

فیچر کے متعارف کرائے جانے کے بعد، توقع کی جارہی ہے کہ یہ ٹیکنالوجی ڈیوائس کی سیکیورٹی میں ایک اہم پیش رفت لائے گی، جس میں ہموار اور صارف دوست تجربہ پیش کرنے والے ایپل واچ کے ساتھ ہموار انضمام ہوگا۔