علیمہ خان کا دورہ پشاور، پارٹی قیادت سے سخت اظہار ناراضی،ورکرز نے شکایات کے انبار لگا دئیے

پشاور: بانی پی ٹی آئی کی بہن علیمہ خان کا دورہ پشاور، ورکرز نے وزیر اعلیٰ اور دیگر قیادت کے خلاف شکایات کے انبار لگا دیے۔

پاکستان تحریک انصاف کے بانی عمران خان کی بہن علیمہ خان نے ایم این اے شاندانہ گلزار اور پی ٹی آئی رہنما خدیجہ شاہ کے ہمراہ پشاور کا دورہ کیا، اس دوران انہوں نے جیل کاٹنے والے وکررز اور ان کے خاندان سے ملاقات کی۔

ذرائع کا کہنا ہے کہ علیمہ خان نے دورے کے بارے میں نہ وزیر اعلیٰ اور نہ ہی کسی کابینہ رکن کو اعتماد میں لیا۔

علیمہ خان سے خیبر پختونخوا کی کابینہ کا کوئی رکن نہ ملا جبکہ ان کے سامنے ورکرز نے وزیر اعلیٰ اور دیگر قیادت کے خلاف شکایات کے انبار لگ دیے۔

ذرائع کے مطابق علیمہ خان پی کے 83 میں ورکرز سے ملیں اور ان کی ناراضی دور کی۔ اس موقع پر علیمہ خان نے پارٹی قیادت سے سخت ناراضگی کا اظہار کیا۔

ذرائع کا کہنا ہے کہ علیمہ خان نے خود ورکرز کو ساتھ لے کر بانی پی ٹی آئی کی رہائی کے لیے مہم چلانے کا بھی اعلان کیا۔

علیمہ خان نے پشاور کی تحصیل گورگٹھڑی کا بھی دورہ کیا۔