پاکستان کے ایک شہر کو فری وائی فائی زون قرار دے دیا گیا

روہڑی: سندھ کے روہڑی شہر کو فری وائی فائی زون قرار دے دیا گیا۔فری انٹرنیٹ سروس سے تعلیم کا حصول آسان ہو جائے گا۔

تفصیلات کے مطابق سندھ میں پہلی بار ضلع کونسل کی جانب سے روہڑی شہر کو سندھ کا پہلا فری وائی فائی زون قرار دے دیا گیا ہے، منصوبے کا افتتاح ضلع چیئرمین کمیل حیدر شاہ نے کیا۔

ضلعی چیئرمین کمیل حیدر شاہ کا کہنا ہے کہ جدید دور میں نوجوانوں کیلئے فری انٹرنیٹ ناگزیر ہے، ایک وقت میں 3 ہزار شہری مستفید ہوسکیں گے۔

کمیل حیدر شاہ نے مزید کہا کہ اگلے مرحلے میں سکھر، پنوعاقل اور دیگر شہروں میں سروس دیں گے۔

طلبہ کا کہنا ہے کہ فری انٹرنیٹ سروس سے تعلیم کا حصول آسان ہو جائے گا۔