عبدالرزاق نے بھارتی اداکارہ تمنا بھاٹیاکے ساتھ ویڈیو منظر عام پر آنے کا قصہ سنادیا

کراچی :قومی کرکٹ ٹیم کے سابق آل راوٴنڈر عبدالرزاق نے بھارتی اداکارہ تمنا بھاٹیاکے ساتھ ویڈیو منظر عام پر آنے کا دلچسپ واقعہ سنادیا۔

معروف یوٹیبوکے پروگرام میں گفتگو کرتے ہوئے عبدالرزاق نے کہا کہ دبئی میں ایک اشتہار کی شوٹنگ کے دوران میری بھارتی اداکارہ تمنا بھاٹیا کے ساتھ ملاقات ہوئی، وہاں انکی فیملی بھی موجود تھی، جہاں میری انکے والد سے ملاقات ہوئی، جس کی تصویر سوشل میڈیا پر وائرل ہوگئی تھی۔

انہوں نے کہا کہ شوٹنگ کے دوران مجھے معلوم ہوا تھا کہ تمنا کے والد مسلمان تھے جبکہ والدہ ہندو تھیں، وہ اپنی والدہ کو فالو کرتی تھی۔

اینکر نے مزاحیہ انداز میں سوال کیا کہ کیا عبدالرزاق صاحب آپکو انہوں نے پہنچان لیا تھا؟ جواب میں عبدالرزاق نے مسکرا کر کہا کہ میں پاکستانی ٹیم میں تھا، یہ واقعہ 2013 کا ہے اور اسکے کچھ عرصے بعد اْنکی فلم ہمت والا ریلیز ہونے والی تھی۔

انہوں نے مزید کہا کہ ایک بنگلہ دیشی ایکٹریس سے بھی ملاقات ہوئی جب وہ میک اَپ کرکے آتی تھی تو ٹھیک لگتی تھی، لیکن میک اَپ کے بغیر میں پہچان ہی نہیں سکا تھا کہ یہ وہی ایکٹر ہے۔