اداکار وکی کوشل نے کترینہ کیف کے ساتھ شادی کی وجہ بتادی

ممبئی :بالی ووڈ کے معروف اداکار وکی کوشل نے انکشاف کیا کہ انہیں کترینہ کیف کی کونسی ادا بھا گئی۔

بھارتی اداکار نے حال ہی میں ایک پوڈ کاسٹ میں بطور مہمان شرکت کی، جہاں انہوں نے اپنے کیرئیر اور نجی زندگی کے حوالے سے کھل کر گفتگو کی۔

دوران شو انہوں نے اعتراف کیا کہ انہیں کبھی بھی بالی ووڈ دیوا سے ان کے اسٹارڈم اور شہرت کی وجہ سے محبت نہیں ہوئی بلکہ انہیں کترینہ کیف کی اپنے ارد گرد کے لوگوں سے شفقت کی ادا بھا گئی۔

انہوں نے مزید کہا کہ جب انہوں نے کترینہ کو قریب سے جانا، انہیں ارد گرد کے لوگوں کے ساتھ ملتے ہوئے دیکھا، ان کی پرواہ کرتے ہوئے، ہر ایک سے ہمدردی کرتے ہوئے دیکھا تو احساس ہوا کہ یہ وہ لڑکی ہے جس کے ساتھ زندگی گزاری جاسکتی ہے۔

انہوں نے دوران انٹرویو یہ انکشاف بھی کیا کہ کترینہ کیف کی جانب سے بھی ابتدائی دنوں میں جب انہیں توجہ ملنا شروع ہوئی تو انہیں بہت ’عجیب‘ محسوس ہوتا تھا‘۔

خیال رہے کہ بالی ووڈ کی اس معروف جوڑی 9 دسمبر 2021 کو راجستھان میں ایک نجی تقریب میں شادی کے بندھن میں بندھ گئی تھی۔