ژوب دہشتگردی میں ملوث افغان دہشتگردوں کی تصدیق ہو گئی،پاکستان کا شدید رد عمل

اسلام آباد: ژوب کینٹ میں دہشتگردی میں ملوث افغان دہشتگردوں کی تصدیق ہو گئی ہے. پاکستانی دفترِ خارجہ کا شدید رد عمل اظہار کیا ہے۔

ترجمان دفتر خارجہ کے مطابق 12 جولائی کو ژوب کینٹ پر حملے میں ملوث تین دہشت گردوں کی شناخت افغان شہریوں کے طور پر ہو گئی. دہشتگردوں کا تعلق افغانستان کے صوبہ قندھار سے ہے۔

پاکستان کے دفتر خارجہ نے افغان سفارت خانے کو افغانی دہشتگردوں کی لاشیں وصول کرنے کی ہدایات دے دیں۔

افغان دہشتگردوں کی پاکستان میں دہشتگرد کاروائیوں میں مسلسل شمولیت اور پاکستان کے اندر دہشت گردی کے لیے افغان سرزمین کے استعمال پر پاکستانی دفترِ خارجہ نے شدید اظہارِتشویش اور مذمت کی ہے۔