جامعہ الازہر کا اسرائیلی جارحیت پر سخت ردعمل آ گیا

قاہرہ:مصر کی معروف اسلامی درسگاہ الازہر نے غزہ کی پٹی پر اسرائیلی جارحیت پر سخت ردعمل کا اظہار کیا ہے۔

قاہرہ سے عرب میڈیا کے مطابق جامعہ الازہر کا کہنا ہے کہ فلسطینیوں کا قتل اور تخریب کاری صہیونیوں اور ان کے حامیوں کے چہرے پر نہ مٹنے والا سیاہ دھبہ ہے۔

مزید کہا گیا کہ مغربی میڈیا کی متعصبانہ کوریج نے ان کی آزادی اظہار اور تحفظ انسانی حقوق کے دعوے بےنقاب کر دیے۔

جامعہ الازہر نے کہا کہ تاریخ فلسطینیوں کی حمایت میں تاخیر اور چشم پوشی کرنے والوں پر ہرگز رحم نہیں کرے گی۔ فلسطینی عوام کا جذبہ حب الوطنی اور قربانیوں کو سلام پیش کرتے ہیں۔

جامعہ الازہر نے کہا اسلامی ممالک کی حکومتیں صہیونی ریاست کیلے متحد مغرب کے خلاف اپنی صفیں مضبوط کریں۔