پاکستان کی سلامتی و استحکام کیلئے افواج کے شانہ بشانہ کھڑے ہیں،علامہ طاہراشرفی

راولپنڈی: چیئرمین پاکستان علما کونسل علامہ طاہر اشرفی نے کہا ہے کہ پاکستان کی سلامتی و استحکام کیلئے ہم افواج کے شانہ بشانہ کھڑے ہیں۔

نجی ٹی وی سے گفتگو کرتے ہوئے علامہ طاہر اشرفی نے کہا کہ علما و مشائخ کی آرمی چیف سے تفصیلی ملاقات ہوئی، علما نے ریاست کے بیانیے پر اتفاق کیا۔

طاہر اشرفی نے کہا کہ اجلاس میں غزہ میں جاری جنگ کی شدید مذمت کی گئی، پاکستان ہر طرح سے فلسطینی بھائیوں کی مدد کر رہا ہے۔

چیئرمین پاکستان علما کونسل نے کہا کہ تین امدادی جہازوں کے بعد جلد چوتھا جہاز بھی جائے گا، نہتے، معصوم لوگوں کو قتل کرنے والوں کا اسلام اور انسانیت سے کوئی تعلق نہیں۔