عامر خان کی تارے کے بعد ستارے زمین پر بنانے کی تیاری

ممبئی:بالی ووڈ سپر اسٹار عامر خان آج کل دعوتوں میں شریک ہوکر اپنی نئی فلم سے متعلق گفتگو کررہے ہیں۔

بھارتی میڈیا رپورٹ کے مطابق ان کی نئی فلم کا نام ’ستارے زمین پر‘ ہے، عامر خان نے بتایا کہ وہ اس فلم میں اداکاری کے ساتھ ساتھ پروڈکشن بھی دیکھ رہے ہیں۔

عامر خان نے کہا کہ پچھلی فلم نے آپ کو رلا دیا تھا، یہ فلم آپ کو ہنسا دے گی۔

ان کا کہنا تھا کہ ‘تارے زمین پر‘ میں نے درشل کے کردار کی مدد کی تھی لیکن نئی فلم میں اپنے اپنے مسائل سے نبرد آزما 9 افراد میری مدد کریں گے۔

عامر خان نے ایک دوسرے پروجیکٹ کی تفصیل بتاتے ہوئے کہا کہ اس میں سنی دیول شامل ہوں گے اور ان کا پروڈکشن ہاؤس فلم بنا رہا ہے جبکہ پروڈیوسر میں ہوں۔

ان کا کہنا تھا کہ فلم ڈائریکٹر راجکمار سنتوشی ہوں گے، فلم کا عنوان ’لاہور‘ ہے اور سنی دیول اس میں مرکزی کردار ادا کریں گے۔

عامر خان نے مزید کہا کہ سنی دیول وہ شخص ہیں جنہیں میں پوری زندگی ہی پسند کرتا رہا ہوں، یہ پہلا موقع ہے کہ ان کی فلم کی پروڈکشن دیکھ رہا ہوں۔