وفاق اورپنجاب کے تمام سرکاری و نجی کالجز میں موسم گرما کی تعطیلات کا اعلان، نوٹیفکیشن جاری

اسلام آباد/لاہور:وفاق اورپنجاب کے تمام سرکاری و نجی کالجز میں موسم گرما کی تعطیلات کا اعلان کردیا گیا ۔

وفاقی نظامت تعلیمات کے نوٹیفکیشن کے مطابق وفاقی تعلیمی ادارے 10 جون سے 31 جولائی بند رہیں گے ،اداروں کے سربراہان ضروری سٹاف کو بلا سکیں گے۔

نوٹیفکیشن میں کہا گیا ہے کہ چھٹیوں میں اداروں کا سٹاک چیک، فرنیچر اور عمارات کی مرمت کی جائے ۔

دوسری جانب محکمہ ہائر ایجوکیشن پنجاب کے نوٹیفکیشن کے مطابق تمام نجی و سرکاری کالجز میں موسم گرما کی تعطیلات 6 جون سے 20 اگست 2023ء تک ہوں گی۔

اس سے قبل سیکرٹری سکول ایجوکیشن نے بھی تمام سرکاری و نجی سکولوں میں 6 جون سے 20 اگست 2023 تک موسم گرما کی تعیطلات کا نوٹیفکیشن جاری کر رکھا ہے۔