ایشیا کپ، بھارت کی پاکستان کے ہائبرڈ ماڈل کو تسلیم کرنے کیلئے مشروط رضامندی

نئی دہلی:ایشیا کپ 2023ء میں بھارت نے پاکستان کے ہائبرڈ ماڈل کو تسلیم کرنے کیلئے مشروط رضامندی ظاہر کرتے ہوئے ایک شرط بھی رکھ دی ہے۔

انڈین میڈیا کے مطابق بھارتی کرکٹ بورڈ نے پاکستان کے ہائبرڈ ماڈل کو تسلیم کرنے کیلئے شرط رکھی ہے کہ پاکستان کو ورلڈکپ میں شرکت کیلئے تحریری طور پر یقین دہانی کروانی ہوگی۔

ہائبرڈ ماڈل کے تحت بھارت ایشیا کپ کے مقابلے نیوٹرل وینیو پر کھیلے گا اور نیوٹرل وینیو متحدہ عرب امارات یا سری لنکا ہو سکتا ہے۔

بھارتی کرکٹ بورڈ اس حوالے سے باضابطہ اعلان 27 مئی کے اجلاس کے بعد کرے گا جبکہ ایشین کرکٹ کونسل ایشیا کپ کے شیڈول کا اعلان بھارتی فیصلے کے بعد کرے گی۔