بھارت کاجعلی پلوامہ ڈرامہ ایک بار پھر بے نقاب ہوگیا

گھر کا بھیدی لنکا ڈھائے ،مغربی بنگال کی وزیر اعلیٰ ممتا بینرجی نے مودی کے جعلی پلوامہ ڈرامے کا راز بے نقاب کر دیا

جعلی پلوامہ ڈرامہ ایک بار پھر بے نقاب ہوگیاممتا بینرجی کاکہناہے کہ مودی نے انتخابات جیتنے کے لیے پلوامہ ڈرامہ رچایا، پلوامہ ڈرامہ جعلی اور اسکرپٹڈ تھاپوری پلاننگ کے ساتھ 40 جوانوں کا خون بہا کر الیکشن چوری کیا گیامودی ایک بار پھر پلوامہ طرز کا ڈرامہ رچا کر انتخابات پر اثر انداز ہو سکتا ہے۔

ممتا بینرجی کے انکشافات نے گودی میڈیا کو آگ لگا دی۔مودی نواز گودی میڈیا نے ممتا بینرجی کو غدار قرار دے دیا۔ماضی میں کانگریس رہنما ادت راج نے بھی پلوامہ ڈرامے کو جعلی اور خود ساختہ قرار دیا تھا۔

رواں سال 14 اپریل کو مقبوضہ کشمیر کے سابق گورنر ستیا پال ملک نے بھی انکشاف کیا کہ مودی اور امت شاہ نے انھیں پلوامہ حملے پر خاموش رہنے کا حکم دیا تھا۔

ستیا پال ملک کاکہناہے کہ مودی پلوامہ حملے کو پاکستان پر تھوپ کر الیکشن میں ووٹ لینا چاہتا تھا،پلوامہ ڈرامے کے بعد مودی سرکار نے جعلی سرجیکل اسٹرائیک کا ڈرامہ رچایا تھا۔جواب میں اگلے ہی روز پاکستان نے 2 بھارتی طیارے مار گرائے اور ونگ کمانڈر ابھینندن کو قیدی بنا لیا تھا۔