سابقہ اداکارہ انعم فیاض کے ہاں دوسرے بچے کی پیدائش

لاہور:دین اسلام کی خاطر شوبز کی دنیا کو خیرباد کہنے والی سابقہ اداکارہ انعم فیاض کے گھر بیٹی کی ولادت ہوئی ہے۔

انعم فیاض نے اپنے سوشل میڈیا اکاؤنٹ انسٹا گرام پر اپنی بیٹی کی پیدائش کی خوشخبری سنائی، سابقہ اداکارہ نے اپنی بیٹی کا ہاتھ تھامے محبت بھری ایک تصویر کے ذریعے اپنے مداحوں کو یہ خبر دی ہے۔

سابقہ اداکارہ نے بیٹی کی پیدائش کی خبر دیتے ہوئے لکھا کہ ’خوشی سے بھرے دلوں کے ساتھ، ہم اپنی ننھی شہزادی کو دنیا سے متعارف کروا رہے ہیں‘۔

انہوں نے مزید کہا کہ ’ہماری بیٹی اللہ کی طرف سے ایک تحفہ ہے جس نے پہلے ہی ہماری زندگیوں کو لامحدود محبت اور خوشی سے بھر دیا ہے‘۔

انعم فیاض نے اپنے چاہنے والوں سے اپنی فیملی کیلئے دعاؤں کی اپیل بھی کی ہے۔