بالی وڈ اداکارہ گوہر خان نے بھی اسرائیل کے خلاف فلسطین کے حق میں آواز اٹھا دی

ممبئی: بالی وڈ اداکارہ و ماڈل گوہر خان بھی اسرائیل کے خلاف فلسطین کے حق میں بول پڑیں ۔

بالی وڈ اداکارہ گوہر خان نے ایکس (ٹوئٹر) پر جاری پیغام میں دنیا کی توجہ اسرائیل کے سالوں سے فلسطین پر ڈھائے جانے والے مظالم پر دلواتے ہوئے سوال کیا کہ ظالم کب سے مظلوم ہو گیا؟ ظلم و ستم کی سالہا سال تاریخ سے اندھی دنیا کیلئے اب دیکھنا آسان ہوگیا ہے۔

یادرہے کہ فلسطین کی مزاحمتی تنظیم حماس نے اسرائیلی شہروں پر تباہ کن حملوں سے نہ صرف اسرائیل بلکہ پوری دنیا کوحیرت زدہ کر دیا ہے۔