باکسر عامرخان نے ماڈل سمیرا کی جانب سے لگائے گئے الزامات کو مسترد کردیا

دبئی: پاکستانی نژادبرطانوی باکسر عامرخان نے ماڈل سمیرا کی جانب سے لگائے گئے الزامات کو مسترد کرتے ہوئے کہاہے کہ سمیرا سے اپنی شادی سے متعلق کوئی بات نہیں کی۔ اپنی فیملی کے ساتھ خوش ہوں۔

ایک انٹرویو میں عامر خان نے ماڈل سمیرا کے ساتھ تعلقات پر ردعمل دیتے ہوئے کہا کہ سمیرا نے ہاتھ کی سرجری کے لیے 20 ہزار پاوٴنڈز مانگے تھے۔ پیسے نہ دینے پر سمیرا مجھے بلیک میل کرتی رہی۔

سمیرا سے اپنی شادی سے متعلق کوئی بات نہیں کی۔ اپنی فیملی کے ساتھ خوش ہوں۔میرے انکار پر سمیرا نے اسٹوری اخبار کو فروخت کی۔

عامر خان نے اعتراف کیا کہ سمیرا سے رابطہ تھا اور تصاویر کا تبادلہ بھی ہوا تاہم ایسا تعلق نہیں تھا جیسا سمیرا نے اخبار کو انٹرویو میں بتایا۔ سمیرا خود رابطہ کر کے کہتی تھی کہ وہ اپنے خاندان سے خوش نہیں اور ان سے دور رہنا چاہتی ہے۔

خیال رہے کہ باکسر عامر خان ان دنوں اپنی اہلیہ اور تینوں بچوں کیساتھ دبئی میں موجود ہیں۔