نگران وزیراعظم انوار الحق کاکڑ نے اپنی ذمہ داریاں سنبھال لیں

اسلام آباد:نگران وزیراعظم انوار الحق کاکڑ نے اپنی ذمہ داریاں سنبھال لیں۔وزیر آعظم ہاؤس پہنچنے پر گارڈ اف انر پیش کیا گیا۔

نگران وزیرِ اعظم انوار الحق کاکڑ ایوان صدر میں حلف اُٹھانے کے بعد وزیرِ اعظم ہاوس پہنچے سبکدوش ہونے والے وزیرِ اعظم محمد شہباز شریف نے نگران وزیرِ اعظم کا استقبال کیا۔

نگران وزیرِ اعظم کی وزیرِ اعظم آفس کے افسران و عملے سے ملاقات کی ملاقات میں افسران نے نگران وزیرِ اعظم کو اپنا تعارف کروایا۔

نگران وزیرِ اعظم اور سبکدوش ہونے والے وزیرِ اعظم کے مابین ملاقات ہوئی ملاقات میں سبکدوش ہونے والے وزیرِ اعظم محمد شہباز شریف نے نگران وزیرِ اعظم انوار الحق کاکڑ کو مبارکباد پیش کی اور نیک خواہشات کا اظہار کیا۔

نگران وزیرِ اعظم نے سبکدوش وزیرِ اعظم کا شکریہ ادا کیا سبکدوش وزیرِ اعظم محمد شہباز شریف کو گارڈ آف آنر پیش کیا گیا۔

نگران وزیرِ اعظم نے سبکدوش وزیرِ اعظم کو رخصت کیا بعد ازاں نگران وزیرِ اعظم انوار الحق کاکڑ کو ٹرائی سروسز کے چاک و چوبند دستے نے گارڈ آف آنر پیش کیا۔

بعد ازاں چارج سنبھالتے ہی پہلے حکم نامے میں نگران وزیراعظم انوارالحق کاکڑ نے تمام وفاقی وزارتوں کو اہم امور پر بریفنگ تیار کرنے کی ہدایت کر دی ہے۔

نگران وزیراعظم انوار الحق کاکڑ نے حلف اٹھانے کے بعد وزیراعظم ہاؤس پہنچ کر پہلا ڈائریکٹو جاری کردیا ہے جس میں تمام وفاقی وزارتوں کو ہدایت کی گئی ہے کہ وہ اہم ایشوز پر بریفنگ تیار کریں،تمام وزارتوں کوباری باری بلا کر بریفنگ لی جائے گی۔

ذرائع کے مطابق نگران وزیراعظم ابھی پنجاب ہاؤس میں ہی رہیں گے ،سابق وزیراعظم شہبازشریف کا سامان آج لاہور بھجوا دیا گیاہے،نگران وزیراعظم انوارالحق کاکڑایک دو روز میں وزیراعظم ہاؤس منتقل ہو جائیں گے۔