نگران پنجاب حکومت کا صحافیوں کو پلاٹ دینے کا اعلان

لاہور:نگران پنجاب حکومت نے لاہور کے صحافیوں کو پلاٹ دینے کا اعلان کر دیا۔

نگران وزیر اعلیٰ پنجاب محسن نقوی نے صحافیوں کو 3 اور 7 مرلے کے پلاٹ دینے کا اعلان کیا جس کے تحت 23 سو پلاٹوں کیلئے درخواستوں کی وصولی پیر سے شروع ہوگی۔

محسن نقوی نے لاہور میں صحافیوں سے خطاب کرتے ہوئے کہا کہ اہل صحافی 28 جنوری تک درخواست جمع کرا سکتے ہیں، کوشش ہوگی 8 فروری سے پہلے پلاٹوں کی بیلٹنگ ہو جائے۔

نگران وزیراعلیٰ پنجاب کا کہنا تھا کہ صحافیوں کے حقوق کیلئے کوشاں ہیں، صحافیوں کی فلاح و بہبود کے سلسلے میں طویل مدتی منصوبوں پر عمل پیرا ہیں۔