Physical Address
304 North Cardinal St.
Dorchester Center, MA 02124
کراچی: نگران سندھ حکومت نے صوبہ بھر کی تمام عدالتوں کی کارروائی لائیوسٹریم کرنے کا اعلان کر دیا۔نگران وزیر قانون محمد عمر سومرو کا کہنا ہے کہ کارروائی لائیوسٹریمنگ چلنے سے پتا چلے گا کہ کون کیا کر رہا ہے۔
نگران وزیر قانون محمد عمر سومرو نے کہا کہ ہم سندھ کی تمام عدالتوں کی کارروائی لائیوسٹریمنگ کرنے جا رہے ہیں، اس ضمن میں سمری وزیراعلیٰ سندھ کو بھیجوں گا، کارروائی لائیوسٹریمنگ چلنے سے پتا چلے گا کہ کون کیا کر رہا ہے۔
انہوں نے کہا کہ ہماری کوشش ہے کہ وکلا برادری کے جو بھی مسائل ہیں وہ حل کریں، ہمیں اپنی وکلا بارز کو سہولتیں دینا ہوں گی، وکلا برادری خود کو اکیلے نہ سمجھے، بارز کو کتابیں، لیپ ٹاپس دیں گے۔
نگران وزیر قانون نے کہا کہ سندھ کے عوام اور سندھ کے بارز کی نہیں سنی گئی، کل ہی جسٹس منظور علی شاہ نے کہا کہ کچھ ایسے معاملات ہیں جن کا فیصلہ پارلیمنٹ کو ہی کرنا چاہئے۔
عمر سومرو نے کہا کہ مجھے امید ہے کہ جسٹس قاضی فائز عیسیٰ کی سربراہی میں سندھ کی بارز اور عوام کا اعتماد بحال ہو گا۔
نگران وزیر قانون کا کہنا تھا کہ میں عدم اعتماد کا اظہار نہیں کر رہا ہے لیکن ہم پازیٹو ہیں، جسٹس قاضی فائز عیسیٰ کی سربراہی میں روشنی کی کرن نظر آ رہی ہے
